Khua Lian Kam nih Lai mino 8 hlennak: Saachoh ning in phaisa a pe than hna lo

A dih dongh tiang in tial hi ka duh lem lo, an bia a dih hnu in Khua Lian Kam a chungkhar nan holh a tam tuk rih caah ka hun tial than. Raka tlerh rih ko u, nan baa lehlam kan ti cang hna.

Kalay peng Angteng khuami Sang Lun Thang le Khua Lian Kam biakamnak sachoh ah ‘riantuannak visa in February 28 hlan ah kal khawh lo ahcun phaisa ting 70 ning tein pek than ding’ timi a um.

Cu lawng hlah, hi phaisa cu March 1, 2017 hlan ah pek than lo ahcun a let hnih in liam ding timi biatianh a um chap rih.Voi 1 a hlen cangmi a si caah ai rarling i a kutneh tiang a namter.

Anih hi March 16 ah Japan a rak phanmi a si, Yangon a um lio tein an saachoh cu Khua Lian Kam nih a buar cang tinak a si.

A dang pariat(Hlah Moe hi cu Khua Lian Kam he ai pehtlaih rih) saachoh ning in cun ‘February 28 hlan ah work visa in kal khawh lo ahcun an pekmi dihlak in khirh ding’ timi a um ve.

March thla 16 le 22 ah Japan an rak phan(phu 2 in an ra), nain work visa si loin visit visa a si. An visa thla 1 lawng a nung. April thla chung ah zeihmanh a tuah piak kho hna lo, an visa a dih. Phaisa an hal than, a duh lo, Kawlpa nih a hun tlerh hnu lawng ah ting 10 cio a pek hna kha a si.

Saachoh ning tein zoh tik ah a hlenmi hna hi ting 10 lawng pek ding an si lo, Sang Nun Thang cu ting 140 a pek ding a si. A dang cu an thawh zat cio in pek than ding a si. Nain, an ngaihthiam caah ting 10 lawng bak an hal hi a si. Khua Lian Kam ai lawmh tuk awk lei a si.

Khua Lian Kam a tanpitu pawl, saachoh hi rak zoh hmanh u. A tuartu dirhmun ah nanmah i chiah chin tuah hmanh u(minute pakhat tal in). Nan celh ve hnga dek maw?

sang lun thang sachoh

adang pawl