Khuathar Thawngtling nih Senthang pathawng Vanbawihmun a tei kho te hnga maw?

Tulio Laitlang ah paih thawng bik tiah theihmi cu Hakha Khuathar an si ko, Khuathar pathawng lakah pathawng bik cu 2017 CND Champion Thawng Tling hi a si.

Thawng Tling nih paih champion a pehzulhnak sau pah cang, Khuathar ah cun a tei kho ding an um rih lo. Nain, Senthang peng Sakta khuami pathawng Van Bawi Hmun hi October 27 ah a tei te kho hnga maw?

Van Bawi Hmun hi Laipa ah cun a ngan bik a si kho, pe 6’2″ bak a sang. Pound 200 leng a rit, US Lai pathawng Runglianceu he an pound ai khat tinak a si. CPC ah caan saupi biatak tein paih a cawng cang i atu cu paih a thiam ning a mak tuk cang, tih lei a nung.
thaimi
Thawng Tling hi pe 5′ 6″ a sang i pound 156 a rit, Abawi hi pound 40(20kg) leng a rit deuh tinak a si. Thawng Tling caah vangkhen le thachungngerh hman a har tuk cang lai, nain Abawi nih cun Thawngtling cung ah a duhmi paih kuat poah a hman khawh lai.

Van Bawi Hmun a paihnak:

Abawi cu Thawngtling nakin a khan sang deuh, a rit i a ngan deuh fawn hlei ah Thawngtling tluk deng in paih a thiam ve cang caah tulio Hakha paih thawng bik Thawng Tling nih paih bual ah a tei kho te hnga maw timi ruah awk ngaingai a si ko.