Phaisa in Facebook ah ‘like’ a cawtu pawl zeitindah kan theih khawh hna lai?

Atu kar hi Facebook hmang Laimi lak zong ah Facebook ‘like’ a cawtu kan um pah ve cang, minung pakhat or media pakhat nih like a ngahmi khi ‘a deu’ a si le si lo theih khawhnak ka rak langhter.

Facebook like hi cawk khawh zong a si hlei ah computer software pakhatkhat hmang in auto tein like i lak khawh zong a si, nain mah bantuk like hi cu fawi tein theih khawh a si ve.

Minung pakhat a hmanthlak or a cathlahmi tang ah khan like a petu minung vialte zoh khawh dih an si, like a petu lak ah ‘mutual friend’ 1 hmanh a um lomi minung an tam ahcun mah like kha a deu a si timi i fian colh khawh a si.

Like adeu a hmangmi Laipa pakhat hi example pakhat ka rak langhter. Anih hi like a petu 2,200 leng an si nain tam deuh hi a deu an si. Like petu tam deuh hi an profile check ahcun Indonesia le Kala deuh an si hna, mah pawl hi ka hawipa a friend list zong ah an um lo hlei ah a follower zong ah an um lo. A deu an si.
18009870_1468723443172554_1973402837_n
Lai media pakhat zong nih like adeu hi an hmang ve, an min cu langhter awk atha lai lo. Lai thawngpang an thlah i Kala le ramdangmi tam lak te nih an like na hmuh ahcun mah like kha ‘adeu’ a si timi i fian colh khawh a si. Lai media pakhat in example pakhat ka rak langhter chih.
18035632_1468723493172549_805322537_n

Note: Like adeu ahmangmi theih nan duh ahcun private tein hal khawh ka si.