Ramtha in Lairam a tlungmi sin hlasakthiam Van Hlei Sung ralrin peknak (7)

Lairam na tluntik ah :
======================

1. Kawlram cu, ramthumnak bantuk in a thangcho mi asi lo ruangah,

– A rim kongah buai hlah
Khua kan rak sak lio ah cun a zei rimthu le rimttha hmanh kan rak thei kho lo khah

– Alei dip kongah buai hlah
Leidip ah dawkaw a bualtawl mi kan si khah

– Lam a chia ee zei ee ti duh hlah
Meng 20 le 30 tiang dawkaw ke in kal arak si khah. Pathian a ttha i lamttha hna kan ngah cang.

– In le lo kongah buai hlah
Lairam In le lo khi na chuah luhnak, na tthannak inn asi khih. Atak ti lo ah cun, lailei kan um lio nak hmanh khan a tthangcho deuh cang

– Rawl kongah buai hlah
Har le fe tein nan chungkhat nih an kawlmi rawl kha a thaw lee thaw lo ee ti hlah

– An electric kongah buai hlah
Service kongah buai hlah

Atak ti lo ah cun, lailei kan um lio ah cun thingmei lawng dawkaw kan hman khah

Internet hmanh kan rak ngei lo.
Service hna a um cang atu cu.
Pathian atha.
vanhlei4
Advice: Mibu he um lio ah na phone kha tawngtuk hlah, na lu tunglaw, na pawngkam kha zoh deuh. Minung ttihzah asi.

– Ingta kongah a ceih ceih hlah 😁
Cheukhat ramthumnak a ummi kan innta nak in Lailei kan innta dawkaw a thiang deuh khih.

Ka ttialmi tam deuh cu lairam a ummi nih, khual a tlawni cheukhat a kan zoh ah a lung a nuamh lo nak tete an si.

Cheukhat cu kan chuah kehnak kan i fiang lo i, a hmebik in a nganbik tiang lairam kan soi. Kan CANON (camera) he kan vaak i zeikip hmaan kan thlak fawn.
Cheukhat cu kan i saan chuah i, minih kawmh ngam lo tiangin kan i tuah.
Lairam kan tlung i, ramthumnak kan khuasak ning in tlonlen kan i tim.
Lairam cu lairam asi i, na tluntik ah an mah tlonlen te khan tlongleng ve ko.
vanhleis2
Thilchia an i hruk ah thilchia i hruk, thilttha an i thuam le thil ttha i hruk ve.
Thil thiang hruk buin naa chawh ah leidip nih hna an hnawh cun nangmah palh 😂

Mirang holh te hna kha cu, na thiam mi an theih ko lai. Mirang holh in an in chawnh lo cun chawn duh hna hlah.

Pathian nih a kan dawttuk i ramthumnnak kan phan, hi kaa hmun kan phanh hi kan mah ca’h lawng asi tiah kan i ruah cun kan palhtuk lai. Kan khua ram caah rian kan ngei. A tthat lonak kha soisel loin kan mah nih a tthat khawhnak ding caah i zuam usih.

Lairam na tluntik ah mah hngalh lo le tangdor lonak lungthin he na um ah cun na kong ceih asi lai. Na tangdor i na chuahkehnak naa hngalh cun, thluachuah na hmu lai, sunlawih le cawisaan na si lai i, dawttu tampi na ngei lai…

Kalawm
Van Hlei Sung
New Zealand

vanhleis

vanhleis1