Zasang Cinzah nih Chinmi Khrihfabu mission caah a saduhthah a tialmi rel ve, ruah phu ngai

Thil Tha A Simi Cu Icawn Cio Ding A Si:

Nizan Sunday kan ipumh lioah Mirang pawl an buletin ttialmi ka rel. A tawne te ah “Scholarship Fund” an ti i, an pehmi cu “2018 ah a graduates mi vialte hna caah siang ngai nan pek ciomi cu June 3 tiang ah $ 16,3680 a chuak cang” tiah an ttial.

Khrifabu nih mahbantuk Scholarchip program an sermi hi icawn cio awk thil ttha taktak a si tiah ka hmuh. A kaupi in tuah khawh lo hmanh ah kanmah le umnak cio Khrifabu members chung ah High School a dih in, University a kai hnga dingmi hna caah, Scholaship Fund tiah Phaisa ithawh cio hi theipar ttha a chuakmi mission a si kho tiah ka hmuh.

Miphun hna thangchonak ahhin hriamnam tthabik cu fimthiamnak hi a si ko. Kanmah Chin miphun, mitlawmte hna ca chinchin ahhin fimthiamnak hi a biapi khun. Cucaah, Khrifabu nih fimthiamnak thazaang pek in miphun dang zong nih an tuahmi Scholarship program hi tuah ve a si tiah ka hmuh. A tuah cangmi hna nan um ahcun kan ilawmh tuk hna lai.

Zasang Cinzah
Canada