A tanglei lam in Malaysia a kalmi an motor accident a tong i Chin tlangval 3 an thi

Malaysia ah a tanglei lam in a kalmi an motor accident a tong i Chin tlangval 3 an nunnak a liam, an hawile zong fak ngai in an i khawng tiah RFA nih a tial.

Accident an tonnak ah an motor zong a kuai dih. A leng ah fak tak in a hlonhmi zong an um. An ruak hmanthlak zoh ah lung a fak hringhran, an i khawnden ning a fak tuk.

Motor hi minung 15 nih an i cit. Minung 6 hliamhma an hmu i siizung an kalpi cang hna, an lakah pakhat cu a zual ngaingai, a dam than kho hnga maw tiah ruah a si. Ai hliam lomi 4 cu Malaysia police nih an tlaih colh hna.

Motor mawngtu le a hnuzul cu fak tuk in an i khawng ve lo, khawndennak a um le cangka in an zam colh. Khawika an phak timi an thei hna lo.

A thimi Chin tlangval 3 hi Chinram ah zei khua dah an si timi theih a si lo.