‘Aung La changtu a si kho lai maw?’ tiin One Championship nih Tial Cung Thang kong an tial cang

Lai pathawng Tial Cung Thang cu Aung La Nsang ai thuatnak One Championship ah i thuat ve ding ah hnatlaknak minsen a thut cang, March 8 ah Yangon ah ai phomh ding a si.

One Championship nih an official website le Facebook page ah Tial Cung Thang a kong tling ngai in an tial, Aung La Nsang changtu pathawng a si kho hnga maw tiah mizapi sin biahalnak an tuah chih.

An cabia ah Aung La nih Tial Cung Thang a thangthatnak le a zumhnak tampi ai tel, keimah aka lawhnak tampi a um, atu ning in a kal ko ahcun world champion tiang a phan kho ding a si tiah a chim.

Tial Cung Thang hi nupi le fa 2 he US ram ah khua a sami an si. Aung La sin ah MMA a cawnnak a sau ngai cang, a dang hmun ai thuatnak zong ah teinak a hmu lengmang cang.

Anih hi paih a thiam bakmi a si caah MMA i thuat lio tengh a thiam ngaimi a si, a ke zong a tha tuk fawn caah ‘Dragon Leg’ tiah min an pek.

One Championship nih Tial Cung Thang kong an tialmi cu English in hika ah rel khawh a si.