‘Cambodia pa hi round 1nak bak ah ka tei lai, ka thazaang thiamnak dihlak he kai zuam lai’- Tial Cung Thang

March 8 ah Cambodia rammi Rin Saroth he kan i phomh tikah round 1nak bak ah ka tei lai, ka thazaang dihlak le ka thiamnak dihlak in kai zuam lai tiah Tial Cung Thang nih a chim.

Rin Saroth hi kum 5 a si, pe 5.6 a sang. Tial Cung Thang nakin tlawmpal a niam deuh lai tinak a si. An rihzaan cu an i khat pah ko lai.One Championship ah 2015 thawk in a lut. Voi 5 ai thua cang, voi 3 a sung i voi 2 lawng teinak a ngah rih. A thawng ve ko nain voi 2 tiang sung a khan(submission/surrender) cang caah tihnung tukmi cu a si lo.

Tial Cung Thang hi Lai paih zong ah US Lai pathawng nih an tei khawh rih lomi a si, paih a thiam caah fawi tein zuam cawhtu a tengh kho lai timi zumhnak a um.

Tial Cung Thang hi MMA caah training a tuahnak a sau ngai cang, Aung La Nsang bak nih training a pekmi a si. Aungla nih training a pekmi tiin Kawlmi lakah an theih i thazaang petu zong tampi a ngei cang.

tiothang2

tiothang1

tiothang