Hakha a rak tlawngmi Emily: ‘Pasal caah mui a biapi tuk lo, kuak le zuu tong lomi ka uar phun si’

Hakha ah a rak tlawngmi gospel hlasakthiam Emily Ngun Hlei Sung nih pasal ding caah cun mui hi a biapi tuk ah ka ruat lo, kuak le zuu tibantuk a tong lo i keimah a ka dawtu ding pa hi ka saduhthah a si tiah Chinland News sin ah a chim.

“Pasal caah cun mui cu a biapi tuk ah ka chiah lo nain catang sangmi a si ding khi cu ka duh pah ve ko. Zuu siseh, kuak le kunya tibantuk a tong lomi pa khi ka saduhthah cu a si. Mui tu khi cu a biapi tuk ah ka chia lo, thinlung thami, aka dawtu ding le Bawipa nih pahrang aka pekmi ah aka tanpitu ding pa khi pasal caah ka duhmi cu a si,” tiah Emily nih a chim.

Tulio Laimi kan dirhmun in album chuah than ding cu a fawi lo, aruang cu album kan chuah hnu thlakhat hlan ah kan retheih ning theih piak loin YouTube ah free in thlah a hmangmi an um tawn caah a si tiah a chim chih.

Hakha ah a siarem lomi kan hal tikah khuachung lam thluan ah hnawm chiahnak hnawmpung ka hmu bal lo, nawlngeitu nih tampi chiah kho hna sehlaw a tha tuk lai tiah a chim fawn.

Zephai khuami Emily le a hawile cu Leitak ah tuahmi Zophei seminar le Hakha ah tuahmi concert caah an sawm hna. Anih hi Mizoram ah a chuakmi a si i tutan hi Hakha voi 1nak a phak a si.

kome

kome5

kome4

kome3

kome2

kome1