Hakha ah tha taktak in sakmi hotel ‘Rung Guest House (2)’ an hon cang

Hakha ah hin riahnak guest house cu a tam pah cang ko nain hotel ca thengte ah sakmi an um rih lo, chungkhar umnak caah an sakmi inn kha hotel caah remhmi deuh an si.

Chungkhar umnak caah sakmi inn kha hotel ah an thlen cio tikah tlamtling lomi a tampi, room an thennak zong siseh, zunput le ihnak tibantuk zong tampi ai ser kho lo. Hotel riah i zunput i hrawm a si tikah siarem lonak a tam.

Nain, Rung Guest House (2) hi cu Pu Chum Ling nih hotel ca hrimhrim ah a sakmi a si, engineer nih tha tein design an suai hnu ah an sakmi a si caah a pui tling ngaingai. Guest house tiin min an pek ko nain Yangon ummi hotel hna he an i dannak a um lo.

Hakha a kih caah tilum in i kholhnak zong tha taktak in an ser, ramdang bantuk in duh caan poah ah tilum in i kholh khawh a si. Wifi zong duhzat in hman khawh a si fawn.

Pakhat ihnak, pahnih ihnak, pathum ihnak le pali ihnak tiin room an then. A man cu zaan khat ah 20,000 in ai thawk i 60,000 man tiang a um. A hmun hi Vomtumawng cerhmun pawng Pu Chum Ling inn pawng ah khan a si.

phozi8

phozi7

phozi6

phozi5

phozi4

phozi3

phozi2

phozi1