Hlasakthiam Van Hlei Sung: ‘Lai hlasak in pawcawm khawh a si ko tiah ka ruah’

A chuahsemnak Hriphi khua ah tukum Christmas le kumthar a rak hmangmi New Zealand um hlasakthiam Van Hlei Sung nih Lai hlasaknak in pacawm khawh a si ko tiah amah hmuh ning a chim.

“Aruang cu ramthumnak a ummi hna nih Lai hlasakthiam an kan sawm lengmang caah tangka zong kan ngah ngai, puai le sawmnak zong hi a tam chin lengmang i keimah hna nih hlasaknak in pawcawm ka timh ahcun kai cawm kho men ko lai,” tiah Mai Van Hlei Sung nih a chim.

Tutan Hakha ka tlun ah kai harh bikmi cu ka ke a phi lengmangmi hi a si, voi tampi kai tawl ko zong ah a phi than lengmang ko, Laitlang ummi nih zeitindah an ke an i zohkhenh cio timi zong theih ka duh ngai tiah a chim chih.

Hriphi mino nih Van Hlei Sung conglawmhnak le min tlau lonak ding caah lungdonh zong an tuah piak, hiti an ka conglawmh hi kai lunghmuih bik ko tiah Chinland News he biaruahnak ah a chim.

vaitu

vaitu2

vaitu1