Lai paih thawng bik Rung Lian Ceu cu India ram Nagaland ah a pai ve lai

Laipa lakah paih thawng bik World Champion Rung Lian Ceu cu India ram Nagaland ah tuah dingmi paih ah ai tel ve lai, atu hi visa a sawk cang.

March 7 ah tuah dingmi Naga paih ah champion a ngahmi cu India phaisa ting 2 pek a si lai, Myanmar phaisa in tuak ahcun ting 40 hrawng a si lai. Pahnihnak hi ting ting 1.50 a si lai.

Rung Lian Ceu hi World Paih Championship(WPC) hruaitu Pu Ang Cung nih a rak zulh lai, an pahnih in March 5 hlan ah Nagaland phak khawh an i zuam lai ti a si.
poru1
Paih rule vialte cu Lai paih rule si loin anmah Naga paih zulhphung ning tein zulh a hau ko lai, an zulhphung zong ka theimi a um rih lo i a har ngai kho men tiah Rung Lian Ceu nih a chim.

Naga le Chinmi hi unau kan si tiah Chinram hruaitu tampi an chim theu. An nunphung le Chinmi nunphung ai lawhnak a tampi, an i paih ning zong Lai paih he an i lo ngai.