Laimi caah khuaruahhar thawngtha: ‘Vawleicung university tha bik Yale nih Laipa an cohlan cang’

Vawleicung university tha bik min cazin ah telh lengmangmi Yale University ah US um Laipa David Standley an cohlan cang, kum khat ah $70,000 bak scholarship an pek fawn lai tiah Pu Vanceuuk Khenglawt nih The Chin Voice page ah a tanglei bantuk in a tial.

** THAWNGPANGṬHA TAKTAK **
By-Vanceuuk Khenglawt
🗣 Vawleicung University ṭha bik le minthang bik lak i ai telmi @YALE UNIVERDITY@ nih Lai khal fapa @DAVID STANDLEY@ hi kum khat ah scholarship $70,000 pek chih in an cohlan cang tiah thawng theih a si. Hi hlei thawngtha hi kan miphun caah a um kho ti lai dek maw. Amak ko.

🗣 David Standley hi Pu Than Tling, Farrawn, Thantlang peng le Pi Grace Lalzui Lian, Lung Hawh khua, Falam peng i an fapa a si. Lafayette High School, Louisiana ah taang 12 (senior) a kai lio si. Tukum May ah high school hi a dih ding si. University a sawkmi chungin Yale University nih hin an cohlan cang i kum khat i a dih dingmi $70,000 hi scholarship in pek an timh. Standford University zong nih an cohlan zumh a si. Atu tiang ah Lai/Chinmi chungin Yale University ah a kai hmasa cem dingmi a si. Media/Film lei cawn ai tim tiah theih a si.

🗣 China mirum (billionaire) le US mirum (millionare) pawl nih cun Standford, Harvard, le Yale University tbt. i an fale an kai khawhnak ding ah hin$6.5 million dih in zik an nawh hna i an kaiter hna. Kan Laipa DAVID STANDLEY tu hi cu fang khat hmanh dih lo bak in kum khat ah $70,000 renglo schokarship tu pek chih in kaiter an timhmi si i phundang i chim ahcun million $7 renglo an pek ti khawh si.

🙏. Pathian nih kan nau/fapa David Standley hi lam hruai seh law kan miphun caah bochan awktlaak pasalṭha siter hram seh. Lunglawmhpi nak chim cawk lo he..Vanceuuk Khenglawt