Mai Ni Iang motor in a pahtu Sai Wahna Aung amah tein police sin ai ap cang

January 3,2019 motor pah ruangah a nunnak a liam mi Mai Ni Iang pahtu motor monghtu pa cu ni zan January 6, 2019 zanlei suimilam 6:30Pm ah Hakha palek sin ah amah tein ai ap i a tu hi Hakha palek sakhan Lock-up ah an khumh lio a si.

Zeitindah dantat a si lai timi tu cu bia an ceih piak hnu ah a theih te lai. Motor monghtu pa Sai Wa-nah Aung cu daithlang ruangah thihnak a chuahtertu hmuh ,Myanmar Penal Code(MPC) pohmah 304-A le MPC pomah 307 midang nunnak lak timh or midang nunak caah fahnak pek a hmuh in biaceih piak a si te lai tiah hakha palek sakhan hmuh U Tin Zaw Oo nih Chinland News sinah a chim.

Zeitikah dah biaceihpiak a si te lai ti cu chim khawh a si rih lo.
saiwo
Sai Wahna Aung hi Sagaing ramthen biaceihtu lutlai bik a fapa a si, Hakha ummi Chinram biaceihtu lutlai bik nih kumthar hman ding ah an pafa in a sawm hna i kumthar hngah zaan ah Mai Ni Iang a pah sual hi a si. (Salai Khua Er, Hakha)