‘Mara ram mah tein i uk khawhnak nawl ngah khawh kan i zuam cuahmah’ -Dr. Ngun Cung Lian

Chinmi lakah zohchunhtlak ngai tiah tampi nih ruahmi Dr. Ngun Cung Lian nih Mara ram caah 2030 tik tlinh ding an i timhmi Mara holh in amah Facebook ah a tanglei bantuk in a phuan.

-Mara ram ah 2030 tik ah cun vanlawng tumnak tha tein kan ser khawh cang lai, vanlawng a tum khawh cang lai, Dr. Sasa nih a si khawh chung in ai zuam cuahmah.

-Dr. Sasa, Dr. Ngun Cung Lian le Elaisa hruainak in Mara ram ah Marland College kan dirh lai, 2030 hlan ah lim khawh kan i zuam lai.

-2030 ah cun Maraland hi mah tein ai ukmi ‘Self-Administrative Zone’ a si khawh nak ding ah kan i zuam cuahmah, thazaang kan pe cio u.Mah tein kan i uk ahcun Naypyidaw he direct in kan i pehtlaih cang lai.

Mara ram 2030 vision hi Dr. Ngun Cung Lian, Dr. Sasa le BACI director Elaisa Vahnie hna hruainak in an timhmi a si. An vision a tlin khawhnak ding caah ram kip um Mara miphun vialte thazaang an chuah ngai cio tiah theih a si.