One Championship: Tial Cung Thang he ai thua ding Cambodia pa zeitluk tih a nun?

March 8 ah Tial Cung Thang he ai thua dingmi minung cu One Championship nih an fehter cang, Cambodia rammi Rin Saroth a si.

Rin Saroth hi kum 25 a si, pe 5.6 a sang. Tial Cung Thang nakin tlawmpal a niam deuh lai tinak a si. An rihzaan cu an i khat pah ko lai.

Cambodia pa hi One Championship ah 2015 thawk in a lut. Voi 5 ai thua cang, voi 3 a sung i voi 2 lawng teinak a ngah rih. A thawng ve ko nain voi 2 tiang sung a khan(submission/surrender) caah tihnung tukmi cu a si lo.

Tial Cung Thang hi MMA caah training a tuahnak a sau ngai cang, Aung La Nsang bak nih training a pekmi a si caah ruahchannak a tampi. US ah amah nak ngan deuh pipi zong a tei khawh hna caah Cambodia pa cu i fawih ngai dawh a si ko.