Paih bual an hrawh i velh bual an ser lio Malaysia paih thawng pawl buainak video

Tutan Malaysia paih cu a dih lai ah paih bual an hrawh i paih thawng pawl nih velh bual an ser, an kut in an i thuat hlei ah thutdan in an i phomh hna.

Thutdan tamlak te an hrawh. Paih cu zatlang an lim kho lo, tukum cu zatlang champion a um lo tinak a si. Thaizing tuah dingmi singkhaw hi an peh zulh ko lai maw timi a fiang rih lo.

A caan dih lai ah Hakha Khuahlun pathawng Ngun Ceu Tha le Hniarlawn pathawng(nikum champion) Bawi Hmung an i pai, Bawi Hmung nih a thluk i an tlak hnu ah a leh chap, a leh hnu in tei ah ai cang. Cucu referee nih rel lo ah a chiah caah Hniarlawn an lungtling lo i buai hram an thawk hi a si.

Referee hi a thiam deuh lo tiah a hmun in a zohtu siseh, online zohtu hna zong nih an soisel ngai. Tei lomi kha tei ah a pek i teimi kha tei lo ah a chiah tiah cheukhat nih an soisel.