Paletwa peng Khumi party nih ‘Chinram kan chuah tak sual lai’ tiin CM Lian Luai an tlerh

Paletwa hi Kha-yain(district) sinak kan pe ve uh, nan kan pek lo ahcun Paletwa peng hi Chinram kan chuah tak khomi a si tiah Khumi National Party nih Chinram cozah sin ca an tial.

Paletwa peng hi Chinram bantuk tein tlangcung ram pakhat a si ve, a hlan ah cun Chinram chung ah ai telmi a si lo, nain Chin hruaitu kan rak zumh hna caah Chinram he kan i fonh a si tiah Khumi party nih an chim.

Chinram chung ah milu an tam biknak le khua a tam biknak peng cu Paletwa peng hi a si, Kha-yain zung pek ding ah ai tlak tukmi a si tiah an chim chih.

Khumi National Party hi Paletwa peng um Khumi miphun aiawh in an dirhmi a si, 2015 ah thimnak an lut ve nain teinak an ngah kho lo.

Paletwa peng hi Mirang chan ah Rakhine he an rak ukti mi an si hna. Atu lio a lor ngaimi AA ralkap zong nih Paletwa peng cu Rakhine ram ah kan chiah than lai an ti lengmang ve. Chin World

caicu

caicu2

caicu1