‘Sponsor’ tiin thurhnawmmi ruahnak he soiseltu sin ah motor laksawng ngahtu Nilen bialehnak

Myanmar Idol hlasak zuamnak in a lar vemi Chinnu Nilen Par cu tanpitu fan 20 nih a birthday laksawng caah phaisa an i kholh i man fak taktakmi sports car pakhat an cawk piak.

A mawtaw hi ting thong man a si, fan 20 nih phaisa an i kholh(pakhat ting 50 cung a ciah hna lai) i an cawk piak timi cu a si kho lomi a si, sponsor(sugar daddy) a ngah caah a si ko lai tiah Kawlmi cheukhat nih thurhnawmmi ruahnak in comment ah an soisel.

Hi a thurhnawmmi soiselnak kong ah Nilen nih a lungthat lonak le a lungrawhnak kong a chim, sponsor ka ngahmi a si hrimhrim lo, dawtnak tein aka tanpitu nih laksawng an ka chuahmi a si ko tiah a chim.

Nilen hi Myanmar Idol hlasak zuamnak ah top 5 tiang a phanmi a si, hlasak a thiam lawng si loin make-up tamh zong a thiam fawn. Zahan tihni January 25 ah kum 24 a tling ve.

Note: Sponsor timi hi Kawlmi nih an theihnak ah a thurhnawm ngaimi a si, Kawl nungak cheukhat cu phaisa ngei mirum he darling bantuk in an um i phaisa tampi an ngah, cucu sponsor an ti cio. Ramdang ah sugar daddy an timi bantuk khi a si.

thuye

thuye5

thuye4

thuye2