Sung Tin Par: ‘Phaisa kai khon mi vialte a dih cikcek cang, midang kan cawi lo lawng si’

Kei le ka vapa hi voikhat ah phaisa a tomtom in a hmumi kan si lo caah tuhi kai khon mi phaisa vialte a dih cikcek cang, midang kan cawi lo lawng si cang tiah Sung Tin Par nih a chim.

Ka pasal a hmuhmi tlawmte le kei ka hmuhmi tlawmte hi kan khon lengmang, tuhi midang phaisa kan cawi rih lo nain kan i khon mi phaisa vialte cu a dih cikcek cang, rian ngan deuh tuan ding ah biatak tein kai zuam lio a si tiah Sung Tin nih a chim.

Tukum 2019 ah hin album zong chuah kai timh, ka hawile he i fonh in ropui ngaimi show zong tuah ka duh ngai tiah a chim chih.

Sung Tin Par le a hawile cheukhat cu hlasakthiam Kabia Buaihhmu nih phaisa ting thongkhat leng a rak cawi hna i a pek ti hna lo,a tlau tak beh hna.