Tukum Chin Miphun Ni ah khuangcawi ding cu nungak a si ti lai lo, nutung si cang lai

Tukum Chin Mipun ni ah kum dang bantukin khuangcawi ding ah Senthang kan unau le tuanvo pek an si i
khuangcawi nak lei kongah tuanvo ngeitu nih Pi Nun Can Sung ( Phaizong khuami) hi cawi ding ah kan thim i amah zong nih lunglawmh tein a kan cohlang ve cang tiah tiah khuangcawi nak kong tawlreltu Pu Thawng Zel nih Chinland News sinah a chim.

Tukum Chin miphun ni ah khuangcawi ding mi ahhin a hlan in rak cawi ning bantuk in cawi khawh kan i zuam lai amah belte a caan nih a kan pek hnga maw ,kanmah Senthang cu khuangcawi nak hla zong kan ngei, a hlan ahcun khuangcawi hlan ah sarlam hi lamhmasa arak si tawn, cu khawh cun khuangcawi hi a ra, cucaah sarlam zong a tel chih lai tiah Pu Thawng Zel nih a chim.
nuncang
Pi Nun Can Sung Cu Pu Lai Luai Hmung (Phaizong ) khuami a innchung nu a si i Hakha ah an fale he khua a sa mi an si.

Tukum Chin miphun ni ah khuangcawi ding cu kanmah senthang tuanvo a kan pek bantuk in Senthang peng khuakip kan sawm dih hna lai tiah Pu Thawng Zel nih a chim chih. (Salai Khua Er, Hakha)