US birthright citizenship: President Trump ai timhtuahnak hi Laimi caah tihnung maw?

Tuni tiang ah cun US ram chung ah a thli tein a rak lutmi zong nih fa an hrin sual ahcun an hrinmi fa cu US rammi sinak a ngah colh, nain mah phunglam hi Trump nih hloh a timh.

President nawlngeihnak in birthright citizenship cu thah a timh tikah a that kho lo tiah a soiseltu an tam ngai, Republican upa House Speaker Paul Ryan zong nih fak piin a doh. Nain, Republican tampi nih cun Trump timhtuahnak an uar cio.

US ram chung ah phungning tein a ummi le US citizen hna an fale cu tutan Trump upadi thlennak nih a hnursuang lai lo, phungning loin a rak lutmi ca lawng ah a si lai tiah an ruah.

US um Laimi tam deuh cu US cozah nih phung ning tein a cohlangmi an si ko caah tutan thlennak nih harnak a pek ding an um theng lai lo ti khawh a si.

Nain, a zer i US rammi si duh ah nau pawi lio US ram chung a lut i fa hrin ding a bawhmi caah cun an tinhmi an tlinh kho ti lai lo tinak a si. BBC