US Indianapolis ah palik nih Laipa an tlaih

Tluang Kip Thang

US ram Laimi tam ngai nak khua Indianapolis ah kum kum 36 a si mi Laipa cu palik nih an tlaih, midang inn ah luh a timh ruang ah le zohchia in zapi hmai zuu a rit ruang ah a si.

Tluang Kip Thang hi zuu a ri, mirang an umnak inn ka ah a rak lang i an fanu nih a hmuh, cu lio ah Tluang Kip Thang nih inn chung ah a rak luh hnawh beh hi a si. Inn chung ah zeidah tuah a timh timi an thei fiang lo.

Inn ngeitu nih Tluang Kip Thang cu thil fir a timh tiah an ruah i palik sin an phuan colh, palik nih an rat hnawh i an tlaih hi a si.

Anih hi a luan cia caan zong ah midang inn luh a hmangmi a si, palik nih voi tam nawn an tlaih cang.

Tutan mirang inn luh a timh zong hi thilfir a duh caah le ngakchia nu te luh hnawh a duh caah a si lai lo, a rit caah ihnak hmun a kawl a si lai tiah palik pakhat nih a chim. Indy Channel