Va ngeimi Noami cung ah US um Laipa a lungfak tuk, ‘zumhtlak lomi nu, rawl zong ka ei ti lo’ a ti

US ah a ummi Joseph Thang nih YouTube ah video a thlah i Noami pasal a ngeihnak kong ah a lungfahnak a phuan, zumh a tlak lomi nu na si, rawl zong ka ei ti lo tiah a chim.

Nikum ah khan Noami cu kan sawm, keimah nih tawlrelpi hna hlah ninglaw Noami hi a ra kho ding zong a si lo, zaanthum chung phone kan i chawn hnu ah 2020 ah kan i tong lai tiah biakamnak kan tuah, kan khua zong ah kan tlung ti te lai, kei nih thawngtha ka chim lai i Noami nih hla a sak te lai tiah kan ruahmi a si tiah Joseph Thang nih a lungfahnak a phuan.

Hlasakthiam le pastor hna hi US an rat lio lawng ah an kan thei, an kir hnu cun lohdiam an kan philh, zumh awk an tlak hrimhrim lo tiah a chim chih.

Pathian thawngtha a chimtu a sinak, Malaysia zong ah Solomon a ra i Laimi 40,000 leng sin ah thawngtha a chimnak le uktu a sinak zong a chim chih. ‘Hmunlipi ah a thimi CNA ka hawile thlan zoh ding tlun kai timh’ tiah a chim fawn.

Noami le a darling Bawi Thiang Bik cu Pathian hmai biakamnak he zahan May 22 chun ah kutsih lethahnak an tuah, Pathian le zapi hmai ah nuva an si cang.

ansa

ansa3

ansa2

ansa1