WPC hruaitu Pu Ang Cung: ‘NAPC nih Laimi vialte an kan hlen hi a tha lo ngai’

Kan hnu zarh ah Indianapolis paih a tuahmi NAPC phu nih Laimi vialte an kan len hi a tha tiah ka ruat lo tiin WPC hruaitu Pu Ang Cung nih CCN biaruahnak ah a chim.

NAPC nih paih an tuah lai nikhat hnih ai duh tiang ah Rung Lian Ceu, Aa Nawl le a dang Europe pathawng kan sawm hna tiah an chim. Mitampi nih an ra taktak ko rua tiah ruah asi nain paih ni taktak ah an mui hmuh a si lo.

Thawng an thanhmi le an tuah taktakmi ai khat lo khi Laimi hlen ah ka ruah, ram chung ramleng kan cah hna an ti, a ra kho lo ding te hna, cah lomi te hna an ra lai tiin thawng an thanh kha Laimi hlen ah ka ruah, hiti hlen hi a tha ah ka ruat lo tiah Pu Ang Cung nih a chim.

WPC nih tuah than ding paih zong July zarhhnihnak ah a si lai, ram kip champion vialte cah khawh kan i zuam lai tiah Pu Ang Cung nih a chim chih.

November ah heavyweight champion a simi Ukling Thang cu hmundang i pai lo ding timi WPC rule a buar an ti caah world champion i cuh khawhnak hmun in an thlak, singkhaw 16 lawng ah a pai than kho ding a si.

Pu Ang Cung le Rung Lian Ceu cu tuthla dih ah Nagaland ah an kal lai, Naga pathawng lakah Runglianceu a pai ve lai.