Zuu a rimi Kawlpa nih Hakha ah motor in nungak Ni Iang a pah i a nunnak liam

December 31, kum thar hngah zaan ah zuu a ri ngaimi Kawlpa nih motor in Hakha Gangaw lam ah cycle ai citmi nungak Ni Iang le a hawile 2 a pah hna i Ni Iang a nunnak liam.

Mai Ni Iang hi cycle a mawngtu a si, motor nih a pah hna hnu in sau nawn a kalpi rih. A kehlei kut a kiak, a orhlei ngal a kiak rih. A lu ah thi a lut fawn. December 31 zaan ah khan Mandalay siizung ah an lanhpi colh ko nain January 3 zaan ah a nunnak a liam.

A hawile Sui Hlawn Par(kum 21) le Mai Run Tha Cer(15) zong fak nawn in an i khawng ve, Hakha siizung ah zaan thum an riak i zahan ah khan an chuak.

Ni Iang, kum 23, hi Hakha peng Farawn khuami Pu Biak Nawl le Pi Hniang Chin an fanu a si, Myanmar Economic Bank ah cashier a tuanmi a si, zaan lei zung a tin hnu in Gangaw lam ah arsa reunak dawr a tuah chihmi a si. A ruak cu Mandalay in an rak tlunpi cuahmah lio.

A pahtu Kawlpa hi Sagaing ramthen biaceihtu lutlai bik a fapa Sai Wahna Aung(32) a si. Chinram biaceihtu lutlai bik Win Myint Kyaw nih Sai Wahna le a pa cu kumthar hmanti ding ah a sawmmi an si. Wai Wahna cu police nih tutiang an tlai rih lo.(Salai Khua Er, Hakha)

saiwo

saiwo6

saiwo5

saiwo4

saiwo2

saiwo1