Actress Thandie Newton: ‘Pathian a um timi ka zum lo nain lawmhbia hei chim ve ko ning’

Emmy Awards 2018 ah British actress minthang Thandie Newton ‘best supporting actress’ timi laksawng a ngah, laksawng a lak lio ah Pathian a zumh lonak kong a phuan hi a si.

“Pathian a um timi ka zum bak lo, nain tuzaan cu a sin ah lunglawmhbia ka chim ko lai,” tiah actress nu Thandie Newton nih zapi hmai ah a chim. Pathian zong hi nu dirhmun ah a chiah, English ah ‘her’ timi a hman.

Thandie Newton a chimmi bia cu Pathian thei lomi liberal tampi nih an tanpi ngai, uar a um tuk an ti len. Nain, Khrihfa nih cun Pathian zeirel lo a si an ti i an lungfak ngai ve.

Anih hi kum 45 a si cang, Westworld timi film ah actress a tuan i Emmy laksawng tiang a ngah khawh hi a si. BBC