Hlasakthiam Ed Sheeran tazacuai nak: Hla fir ruang ah $ million tampi liam dawh a si

Hlasakthiam minthang Ed Sheeran cu kan hla a fir tiin Marvin Gaye chungkhar nih US biaceihzung ah taza an cuai, tuhi Ed Sheeran a sung khomi dirhmun ah a um.

Ed Sheeran a hla ‘Thinking Out Loud’ le Marvin Gaye a hla ‘Let’s Get It On’ an i lawhnak tampi a um, a ngaitu tampi zong nih hla an i lawhnak an thei khawh ko lai tiah biaceihtu nih a chim.

Biaceihtu a hmuh ning ah cun Ed Sheeran sung ding dirhmun ah a um, nain amah lawng in biachahnak tuah a duh lo, biaceihtu phu(jury) nih biachahnak tuah te hna seh tiah a chim.

Ed Sheeran sihni nih cun Marvin le Ed Sheeran an hla ai lawhnak a um hrim lo, copy tuahmi zong a si lo, Marvin hla tham cu sex tuah duhnak he ai pehtlaimi a si, Ed Sheeran hla cu i duhdawtnak kong a si tiah an chim.

Jury phu nih biachahnak an tuah tikah Ed Sheeran sungh an pek sual ahcun dollar million tampi a liam te lai tinak a si. BBC

soxy