UFC pathawng minthang Conor McGregor nih kai thua ti lai lo, ka din cang lai a ti

UFC pathawng lakah minthang bik tiah ruahmi Conor McGregor nih MMA ka kal tak cang lai, UFC ah kai thua ti lai lo tiah social media ah thawng a thanh.

Rang nawn in thawng kan thanh hna, MMA in kai din thai cang lai tiah Conor McGregor nih Twitter ah thawng a thanh hi a si.

Conor hi UFC ah champion belt phun hnih tiang a la kho hmasa bik a si. UFC ah voi 25 ai thua i voi 21 teinak a hmuh, voi 4 a sung. Mayweather he boxing ah an i thua i a sung fawn.

Anih hi ai din thai taktak hnga maw tiah ruah cio a si, a luancia 2016 zong ah khan kai din cang lai tiah voikhat a rak tial bal. Nain, ai thua than ko. Tutan zong ai din taktak men lai lo tiah ruah cio a si.

Conor hi velh a thiam ngai ko nain holh chiahru a uar ngaimi a si, zuam cawhtu neknak le holh chiahru in volhpamh a hmang ngai. A uartu zong an tampi nain a huatu zong an tampi ve. BBC