Video: Mayweather nih Japan pa Tenshin ngakchia bang a velh, mitthli he a tahter

MMA i tonghnak ah voi 27 ai thua cang nain a sung bal rih lomi Japan pa Tenshin cu boxing ring ah Mayweather a ngamh sual i ngakchia bang a velh ko, mitthli he a tap chih.

An i thongh lio ah Mayweather nih a ngamh tuk, a nih piak salam ko. Minute 1 hrawng cu biatak tein a thongh duh rih lo, nain Tenshin nih a rak thuat chih tikah a thuat ve i second 140 chung ah voi 3 tiang tengh lak in a thongh ko.

Voi 3 tiang tengh lak a thongh hnu in Tenshin cu a lungfim huaha ti lo caah knockout in an sunghter, a mitthli he a tap chih. Zaangfak ngai a si.

Tenshin hi kutke hman chih ai ziakmi a si, nain Mayweather he cun ke hman chih khawh a si lo caah ai cawl manh bak lo, a ke hmang sual sehlaw $5 million dantat ding a si. BBC

maiwai

maiwai1