A thil mansung vialte a tep piak dih hnu ah Mirangpa nih Thinzar Wint Kyaw a kaltak

Muidawh minthang Thinzar Win Kyaw cu ceilak in ai chuahsual ko cang, zapi theih in a darling a caw-ngia nain atu cu a kaltak taktak ko cang, zaangfak lei a si.

Thinzar hi a darling kong zapi sin a phuang bal theng lomi a si. Mirangpa he an i uar hnu cun khual an tlawnnak le hotel an riahnak vialte zong zapi theih in an tar, an hmanthlak le video zoh ah nuva bantuk in an um cang timi tuaktan khawh ngai a rak si.

Sau nawn an umti hnu ah an sining le an lungput taktak an i thei rua, kan nunning ai dang deuh caah kan i tlak lo, kan i then ah a tha ko tiin a darlingpa nih Thinzar cu ca a kuat. Thinzar zong nih i then ding a lung a tlinnak kong ca a leh ve. Ca an i kuatnak screenshot zong Thinzar nih a Facebook ah a tar chih.
cainat
Mirangpa he kan i aur tiah uanpi ngai in a chim thawk in tampi nih Thinzar cu an soisel, Kawl tlangval an tampi ko nain ramdangpa ai thim hi sullam a um lo, nuamhnak menmen ah Mirangpa nih a tuaimi a si an ti len.
cainat5
Mi tampi nih an ruah ning le an chim ning bantuk in atu cu Mirangpa nih a then taktak ko cang. Thinzar cu a mitthli he ai ciah cang lai tinak a si.

thaiza

thaiza1