AA commando nih zaan tim ah Tatmadaw sakhan an thuat i ralkap 50 leng an thah hna

Rakhine ram Kyauhtaw peng ah chikhat caah an sermi Tatmadaw ralkap sakhan cu AA hriamtlai phu hna nih zaan tim ah an kah i ralkap 50 leng an nunnak a liam tiah AA nih an phuan.

A hmasa ah AA ralkap 100 hrawng nih an kah hmasa hna, tlawmpal ah AA ralkap 50 nih an rak bawm ve hna i suimilam tam nawn an kah hna hi a si. Zaan tim 1am in an thuat hna i 6am tiang an thuat hna ti a si.

AA ralkap nih Tatmadaw sakhan an kahmi cu Tatmadaw nawlngeitu nih an fehter ko nain ralkap 50 leng an thi timi belte cu a dik lomi a si an ti ve. AA nih lih hrawkhrol in mipi lunglak nak ah an thawnnak an langhtermi a si tiah Tatmadaw nih an chim.

March 26 zaan ah Tatmadaw sakhan a kaptu AA ralkap hna hi ralkap sawhsawh an si lo, special tein training pekmi commando an si.

AA hi nikum thawk in Rakhine le Paletwa peng ah an thazaang a thawng chin lengmang, tukum chung cu Tatmadaw ralkap he nifatin nawn in an i kap ko. BBC