AA hriamtlai phu nih Paletwa peng Chinmi pahnih an kalpi hna

Paletwa peng Thantaung khua ah Rakhine hriamtlai phu AA ralkap nih khua bawi pa le police sakhan lutlai bik an tlaih hna.

AA ralkap nih khua bawi U Cha Haw an tlaih hmasa, police sakhan ah an ratpi i police lutlai Salai Bieber cu a hriamnam rak ap ding ah nawl an pek. A duh lo caah an luh hnawh i an tlaih ve hi a si. AN pahnih in an kalpi hna.

Hi hna pahnih an tlaih hna lio ah meithal an puah hraw lo. An kalpi hna hnu in police le AA kar ah meithal i puah hnawhnak a um, khuami cu ramlak ah an zam dih.

AA hi Paletwa peng ah an lornak a sau ngai cang, Chinmi tampi harnak an pek hna. AA le Tatmadaw an i kah ruang ah Paletwa peng Chinmi tampi Bangladesh ah an zam. Irrawaddy