Aung La Nsang: ‘Tutan Japan ah kai thuat ding hi ka caah a ropui bikmi a si lai’

March 31 ah Japan ram Tokyo khua ah Aung La Nsang cu world champion a sinak taisawm a humhim ding a si, tutan thuatnak puai hi ka caah a ropui bik a si lai tiah Aung La nih a chim.

Thaizing kip cu Japan pa Ken Hasegawa he an i phomh lai. Nikum kha Yangon ah voikhat an i phomh i Aung La nih knockout in a tei. Caan sau nawn biatak tein training an tuah hnu ah an i phomh than lai.

Voidang kai thuat ah cun zarh 6-8 kar deuh hi training camp ah ka um tawn, nain tutan cu zarh 12 bak caan ka pek, zing he zaan he teinak ngah khawhnak ding caah training ka tuah tiah Aung La nih a chim.

Aung La Nsang hi One Championship nih pekmi world champion taisawm pahnih a ngei liomi a si. Japan ah pakhat a sung sual zong ah pakhat cu a tang rih thiamthiam lai tinak a si.