Dr. Aye Maung cu AA a tanpi ruang ah kum 22 bak thong an thlak ko cang

Rakhine ramkhel minthang Dr. Aye Maung le Rakhine catial thiam Wai Hnin Aung cu AA hriamtlai phu an tanpi hna, thazaang pek cio ding ah mipi an forh tiah sual an puh hna caah kum 22 bak thongthlak an tong.

Nikum January thla ah khan Rakhine ah puai a um i Dr. Aye Maung le Wai Hnin Aung biachim ding an sawm hna, cu lio ah AA tanpi a herhnak cu mizapi sin an phuan hi a si.

Zapi hmai bia an chim hnu in Myanmar cozah nih an sualnak an kawl colh hna, rampi an thangchiat hlei ah rampi cozah an rawiphir asi tiah sual an puh hna.

Dr. Aye Maung hi Rakhine politician lakah mipi nih theih bikmi le uar ngaimi a si. Kum 22 bak thongthlak a ton tikah Rakhine mipi an lungfak ngai cio. Irrawaddy

aimo4

aimo3

aimo2

aimo1