Eihmuar ruang ah Taningtharyi Chief Minister an tlaih, a rian an phuah cang fawn

Tanigtharyi Chief Minister Lei Lei Maw cu ziknawh eihmuarnak a tuah tiah sual an puh caah police nih an tlaih i Myanmar President U Win Myint nih a rian a phuah cang fawn.

Daw Lei Lei Maw hi chief minister a tlin hnu tlawmpal 2016 ah eihmuar hram ai thawk cang, ningcang lo ngai in a nawlngeihnak a hman tiah eihmuarnak a dohtu phu nih thlakhat chung kherhhlainak an tuah hnu in an chim.

Dawei airport leng ah a ummi hnawm le burbuk thianhnak ah kyat ting thongli(400 million) bak a hmanter hna, a innhmun vampang zong phaisa pek loin a sakter hna ti a si.

Ting 300 man lawng a simi a inn pakhat cu company pakhat sin ah ting 2,000 in a zuar i an cawk. A cawtu company cu tender contract tam lak te a pek ve hna tiah kherhhlaitu phu nih an chim.

Daw Lei Lei Maw cu bia an ceih piak lai i a sual taktak ko ahcun kum 15 chung thongtla kho ding dirhmun ah a um. A eihmuar hlan a ngai tuk lai tinak a si. Irrawaddy

ung1

ung2