H1N1 zawtnak tihnung in Myanmar rammi 21 bak an thi cang

Tihnung ngaimi zawtnak phun khat H1N1 zawtnak in July 1 tiang ah Myanmar rammi minung 21 bak an nunnak a liam cang, tihnung takmi dirhmun ah a um.

H1N1 zawtnak an ngei tiah an ruahmi minung 343 an um, zawtnak an ngei ko tiah an fehter cangmi minung 99 an si. Mah zawtnak hi a karh a ran ngai caah a dang tampi an zaw rih lai tiah an ruah.

A thimi lakah 18 hi Yangon region ah a si, Sagaing region ah minung 2 le Ayerawaddy region in minung 1 an si. Yangon ah a thimi an tam bik tinak a si.
shap

Ngakchia le tar hi a thimi lakah a tam bik an si. A thimi hna cu nu nakin pa an tam deuh fawn. H1N1 zawtnak tihnung hi tlangrai zawtnak phun khat a si, nain siizung tuan te ah a phan lomi tampi cu an khamh khawh lomi an tam ngai.
flomu
A luancia 2017 kum zong ah mah zawtnak hi Myanmar ram chung a rak lut bal cang, minung 17 an thi i a tlau than. Myanmar cozah nih WHO zong bawmh a rak hal. Eleven Media