Hi hmanthlak kong ah Kyaw Htet Aung nih zapi sin fianternak a tuah ko cang

Myanmar Idol ah caan biachimtu a tuan hnu in zapi nih an hun theih i actor tiang a tuan chihmi Kyaw Htet Aung le hlasakthiam Tin Zar Maw ihkhun cung an um lio hmanthlak zapi sin a phan.

Hi hmanthlak he pehtlaih in Kyaw Htet Aung nih,”Mah hmanthlak hi kan hawikom pakhat dehnak caah kan thlak sawhsawhmi a si, amah lawng kan hmuhter, nain zeitindah zapi sin a phak khawh timi kan thei lo, tuak ulaw makeup he ihkhun cung caan hman timi cu a um bal lomi a si, dehnak ca sawhsawh ah kan thlakmi a si,” tiah MC ah a chim.

Hi hmanthlak zapi sin a phak hnu in mi tampi nih Kyaw Htet Aung le Tin Zar Maw an it ti cang, tet-te caah hmanthlak rak zoh u tiah ca an tialmi tete a um. Hi kong ah a lungthat lonak zong Kyaw Htet Aung nih a chim chih.