Kawlmi nih an soisel ngaimi Germany pa le Kawlnu hotel an kalnak hmanthlak

Yangon ah khua a sa i Kawlholh zong a thiam ngai cangmi hlasak thiam Germany pa Mikis Weber nih a darling Kawlnu Susu Wai he Sedona Hotel ah an riahnak hmanthlak Facebook ah a tar.

Wine an ding, hotel thilthuam lawng an i hruk i a chung lei angki an i hruk lo, nuva bantuk in Sedona Hotel ah cun caan tha an hmang. Cuti caantha an hmannak cu hmanthlak in an rak langhter hi a si.

Nuva a si rih lomi nungak tlangval nih nuva bantuk in an umnak zapi hmuh ding an tar tik ah Kawl nunphung a dirkamhtu tampi an lungrawk, ‘nan ningzah awk a si’ tiah Mikis le Susu cu an soisel hna.

Comment ah soiselnak a tam tuk hnu ah Mikis nih lehnak a tuah, aka huatu telh in nan dihlak kan dawt ko hna, aka huatu hna cung ah chim ka duhmi cu ‘sorry’ timi hi a si, na sining cung ah nuam tein um khawh i zuam ko, kei zong ka sining te ah nuam ngai in ka um tiin comment reply ah a tial.

Mikis hi Germany rammi a si nain Kawl sining a uar ngaimi a si, Kawlnu lawnglawng ka duh a ti. Facebook ah follower ting 3 deng a ngeimi a si. Model nu Su Su Wai he an i uarnak a sau ngai cang, hmun khat ah living together in an um.

saido6

saido5

saido4

saido3

saido2

saido1