Model Thin Thin nih actor Wai Lu Kyaw taza a cuai taktak ko cang

Wai Lu Kyaw darling thing a simi model nu Thin Thin nih Wai Lu Kyaw cu phung ning tein taza a cuai taktak ko cang, tuni kha Yangon biaceihzung ah taza cuainak ca a va chiah.

Wai Lu Kyaw a hrawkhrolnak le lihbia a chimnak, ningcang loin mi a hlennak vialte cu upadi ning in bia an ceih piak lai i a zun te ko lai tiah Thin Thin nih a chim.

Thin Thin le Wai Lu Kyaw hi voikhatnak an i hmuhni ah Wai Lu Kyaw nih hotel ah a sawm, voikhatnak an i hmuh a si ko nain hotel an phak hnu ah an it ti. Sualnak kan tuah kha amah nih ka duh lo buin aka tuahpimi a si tiah a chim.

Sualnak an tuah hnu in caan sau nawn an i uar beh, nain a hnu ah Wai Lu Kyaw nih a kaltak than i atu taza cuainak tiang an phak hi a si.

Taza a cuaimi sualnak hi tlaihhrem sualpuhnak cu a si lo, nu pakhat sualpi duh ruang ah dawhcah loin hlen(ကာမလိမ္လည္မွဳ) sualphawtnak in taza a cuai hi a si.

Thin Thin nih Wai Lu Kyaw tazacuai a timh hnu in Thin Thin dawhcah lo a hmanthlak tam nawn online ah a rak lang, tarpa he an i duh bal, a taw a zuar bal tibantuk in thangchiat a tong. A taklawng um lio hmanthlak zong a rak chuak, nain a dik taktak maw timi theih a si lo.

tthui

tthui3

tthui2

tthui1