President’s Office: ‘Thli tein Rakhine ralkap AA le Rohingya ralhrang ARSA rian an tuanti’

Rakhine miphun ralkap AA le Rohingya ralhrang ralkap ARSA hi a thli tein rian an tuanti i pehtlaihnak an ngei tiah Myanmar President’s Office nih thawng an thanh.

Nikum July thla ah khan ARSA hruaitu le AA hruaitu cu Bangladesh ram Ramu khua ah tonnak an ngei, Bangladesh ramri ah a ummi Mayu tlang hmunhma i cheuhnak an ngei, Mayu hnu lei hi ARSA caah an ti, Mayu a hmai lei hi AA caah siseh tiah biachahnak an tuah tiin President’s Office biachimtu U Zaw Htay nih a chim.

Bangladesh ram chung zong ah AA nih hmunhma 2 an ngei, ARSA nih hmunhma pathum an ngei ve, hi hna phu hnih cu a thli tein rian a tuantimi an si, AA nih ARSA bantuk in police sakhan an kah i 13 an thah hna zong hi ARSA he an i ton hnu in a chuakmi a si ko tiah U Zaw Htay nih a chim chih.

AA le ARSA hi rithaisii zuarnak in phaisa a kawlmi an si, biatak tein thuat a haumi an si, a herh ning in ralkap nih an thuat hna lai tiah U Zaw Htay nih a chim chih. Irrawaddy

hey2

hey

hey1

AA ralkap1