Rakhine ralkap AA nih ramri hngakmi 13 bak an thah hna, Rohingya ralhrang an lo ve ko

Rakhine ralkap AA nih ramri hngakmi police sakhan 4 bak an thuat i police 13 an thah khawh hna, Myanmar cozah le Tatmadaw ralkap an lungrawk hringhran ko.

AA ralkap hi 100 hrawng an si. Voikhat ah police sakhan 4 bak an luh hnawh, ruah lo ngai in a si caah police cu an cawl manh bak lo, cei lak an thuat ko hna.

AA ralkap nih thawng an thanh hmasa, police hizat an thah hna hlei ah a dang 14 zong anung in an tlaih chap hna.

A luancia 2017 kum ah khan Rohingya ralhrang nih Rakhine ummi ramri hngak police sakhan tamlak te an rak luh hnawh i police tam nawn an thah bal ve hna. Tutan AA an tuahsernak cu Rohingya ralhrang he an i dannak a um lo ti khawh a si.

Rakhine ralkap AA nih police sakhan an luh hnawh hnu in Myanmar Tatmadaw nih vanlawng in AA ralkap an thuat colh ve hna. Tukar hi AA le Tatmadaw kar i kahnak a fak chin lengmang ko. MRTV

hey

hey2

hey1