Rakhine ralkap AA nih rank sang ngaimi Tatmadaw ralbawi an thah khawh

Tulio a hun thawng ngaimi Rakhine hriamtlai phu AA nih rank sang ngaimi Tatmadaw ralbawi pakhat an thah tiah ralkap lei tuanvo ngeitu nih an fehter.

An i phomhnak hmun hi kan hnu lei police 13 thah an tonnak Buthidaung peng ah a si. Hika hmun ah AA ralkap le Tatmadaw ralkap an i phomh than i Maj. Aung Ko Nyein cu a nunnak liam.

Ralbawi Maj. Aung Ko Nyein a nupi nih Facebook ah a lungfahnak kong a phuan ve, ‘fanu pahnih he naka kaltak ruangmang ko ee’ tiah Facebook ah a tial.

AA ralkap le Tatmadaw ralkap hi Paletawa le Buthidaung peng ah nai hrawng biatak ngai in an i phomh, anmah ruang ah Paletwa peng um Chinmi tampi harnak an tong. Cheukhat cu an tlaih hna i an kalpi hna.

AA ralkap nih thawng an thanh ning ah cun Nilini ah khan Tatmadaw ralkap 6 an thah hna, Ningani ah khan 2 an thah rih hna ti a si. Irrawaddy