Rakhine rili ah tilawng accident i minung 18 bak an tlau, an thi cang lai tiah an zumh

Rakhine ram Manaung peng ummi rili ah minung 25 an i citmi Myanmar Port Authority tilawng accident a tong i minung 18 bak an tlau, an thi cang lai tiah zumh a si.

Tilawng ai citmi hna hi rili ah tilawng lam hmuhsaknak inn(lighthouse) remh ding a kalmi an si. Rili kam in meng 4 ai hlatnak ah lung an pah sual i an pil dih hna.

Tilawng a pil hi zahan zinglei ah khan a si. A pil lio ah minung 7 cu an khamh khawh hna, nain adang cu tutiang an hmu kho rih hna lo.

Atu hi nawlngeitu hna nih a tlaumi hna cu an kawl cuahmah hna, a nungmi an um rih lai timi cu an zumh ti lo. Irrawaddy