Rohingya ralhrang nih Myanmar police an bawh hna i an kah hna lio video an tar

Rohingya ralhrang ARSA nih January 16 chun ah ramri hngakmi Myanmar police an bawh hna i meithal in an kah hna, an kah hna lio video cu internet ah an thlah.

Hiti an kah hna nak ah police 6 hliamhma an hmu, a thimi cu an um hraw lo. Police motor a mawngtu pa cu fak nawn in an khen caah Sitwe siizung in Yangon siizung ah an ratpi, an thlop cuahmah.

ARSA nih police an bawh hna nak hi ai rem ngai, police nih an hmuh hna lonak hmun in voi tam taktak an kah manh hna. Motor cu dir loin a lanh thluahmah ko.

Ralhrang phu nih an kah hna lio ah Muslim ralhrang an chim theumi ‘Allahu Akbar’ tiah voi tam nawn an au. Bomb zong an puah chih.