Suu Kyi ai citmi helicopter ’emergency’ in an tumter, ralkap helicopter a si

State Counselor Daw Aung San Suu Kyi ai citmi helicopter cu Shan ram a kalnak ah helicopter seh ti(hydraulic fluid) a zut i rianrang in an tumter than.

Seh ti a zutmi cu helicopter mawngtu pilot nih a hmuh tikah hmailei kal nolh awk a tha ti lo, a him ti lo a ti i rianrang in tum ding biachahnak a tuah colh hi a si.

Suu Kyi nih helicopter mawngtu cung ah ai lawmhnak a chim, rianrang in pilot nih helicopter a tumtermi hi biachahnak dik a si a ti.

Helicopter a tum hnu in helicopter dang pahnih an ra than, a ra thanmi helicopter pakhat ah Suu Kyi a kai than i a kal duhnak ah an kalpi than hi a si.

Nikum August ah khan Suu Kyi hi Magwe ramthen ah khual a rak tlawng, cu lio ah cun Htoo Company ngeihmi private helicopter a hlan, nain tutan a khualtlawnnak ah cun ralkap helicopter deuh a hman than. Irrawaddy