Tanghra result June 8 ah an thanh lai, online zohnak ding zong a fiang cang

March ah a phimi tanghra siangngakchia hna an result cu thaizing kip June 8 zing ah an thanh cang ko lai, hmun kip in zoh khawhnak ding online zong ah an chiah chih fawn lai.

State le region fimcawnnak zung kip le sianginn ah result cu an tar hna lai. Yangon zong ah hmundang a phimi an result zoh piak khawh an si ve lai. No.1 Insein, No.1 Yankin, No. 2 Sanchaung, No.1 Lanmadaw, No.2 Dagon, No.1 Thingkankyun sianginn hna ah hmunkip result zoh khawh an si lai.

Tanghra result hi online le hmundang ah cun zinglei 6am in an tar tawn nain Yangon ah cun zaantim 12 ah an tar tawn. Tukum hi Yangon ah tuan deuh an tar lai maw timi cu a fiang lo.

Online in zoh a duhmi hna nih hika link ah June 8 zinglei 6am in zoh khawh a si te lai.