Thet Mon Myint nih a lar hlan an sifah ning le a temtuar ning mitthli he a phuan

Myanmar ram chung actress lakah minthang bik pakhat ah ai chuah kho vemi Chinnu Thet Mon Myint nih a lar hlan an sifah ning le a temtuar ning mitthli he a phuan.

Tanghra ka awn lio ah kan chungkhar sipuazi a tla, inn zong kan zuar i kan sifak tuk, nain ka nulepa cawm khawhnak ding lam ka kawl, harsa ngai in model zuamnak ah ka lut, phun tampi in ka rak temtuar tiah a chim.

Kan sifah caah hrukaih ding angki le hnipuan tha zong ka ngei lo, ka ule an hnipuan le angki kai hlan caan zong a tampi, sam rauhternak hair dryer zong 5000 man a si ko nain kai cawk kho lo tiah a chim chih.

Kan sifah tuk ko buin ka nulepa nih fek tein an ka dirpi, ka nulepa nih ka dirpi hna hlah sehlaw atu Thet Mon Myint timi hi ka si kho hnga lo tiah a chim.