Yangon ah tihnung H1N1 zawtnak in minung 3 an nunnak a liam

Zawtnak tihnung ngai a simi H1N1 in Yangon ah minung pathum an nunnak a liam cang, zawtnak an ngei tiah an ruahmi 7 an um rih tiah Myanmar ngandamnak lei zung nih thawng an thanh.

H1N1 zawtnak in June 14 ah khan kum 29 a simi nu pakhat cu Yangon siizung ah a nunnak a liam, cu hnu in a dang pahnih an nunnak a liam rih. Pathum tiang an thih hnu in nawlngeitu nih zapi sin ralrin peknak le thawngthanhnak an tuah hi a si.

Mah zawtnak hi damh a har ngaimi a si, raifanh bantuk phun khat a si i ram cheukhat ah minung tampi a thattu virus a si.

A luancia 2017 kum zong ah H1N1 zawtnak hi Myanmar ram chung ah arak zual ngai i minung 154 nih zawtnak an rak ngei i minung 16 bak an thi. BBC