Yangon airport ah Bangladesh vanlawng accident a tong, vanlawng dang an buai ko

Yangon airport ah tu zaan lei a rak tummi Bangladesh vanlawng pakhat cu a tum lio a tliknak ah a nal sual i accident a tong, ai khawngmi an um len.

Yangon ah tu zaan lei kha ruahpi fak nawn in a sur, hi ruang ah vanlawng a tumnak lampi a nal hi asi lai tiah ruah a si. Bangladesh vanlawng cu tlawmpal a rawk.

A thimi cu an um hraw lo. Ai khawngmi lakah vanlawng mawngtu pilot zong ai tel. Siizung an kalpi khawh cang hna.

Bangladesh vanlawng lam a pial sual hnu in Yangon airport ah vanlawng dang an tum kho ti lo, international vanlawng cu Bangkok ah a kirmi an tam. Ram chung vanlawng belte cu a naih biknak Naypyidaw airport ah an tum hna. 7Day TV